មុខម្ហូបដែលមាន គ្រឿងផ្សំ ងាយៗ ងាយស្រួលធ្វើ មានរស់ជាតិឆ្ងាញ់ពិសារ។
គ្រឿងផ្សំ៖
១-សាច់ជ្រូក(យកសាច់សុទ្ធ)
២-ត្រប់វែង
៣-ខ្ទឹមបារាំង
៤-ប្រេងឆា ខ្ទឹមស ស្ករស ប្រេងខ្យង ម្រេច ទឹកត្រី
របៀបធ្វើ៖
១-ចិញ្ច្រាំសាច់ជ្រូក
២-ដុតត្រប រួចបកសំបកចេញ រួចត្រប់១កាត់ជា៣កំណាត់
៣-ចិញ្ច្រាំខ្ទឹមស
៤-ហាន់ខ្ទឹមបារាំង ទទឺងស្តើងៗ (ហាន់ដូចហាន់ឆាឡូកឡាក់)
៥-ចាក់ប្រេងឆាបន្តិចចូលខ្ទះ រួចហើយបំពងខ្ទឹមស រួចដាក់សាច់ជ្រូកចូល
៦-ឆាត្រលប់ចុះឡើង ចាក់ទឹកត្រីអោយឈ្ងុយ រួចដាក់ស្ករស ប្រេងខ្យងតាមរសជាតិដែលចូលចិត្ត ចាក់ទឹកចូលបន្តិចរួចគ្របប្រហែល៥នាទីដើម្បីអោយសាច់ជ្រូក ឆ្អិនល្អ។
៧-ដាក់ត្រប់និងខ្ទឹមបារាំងចូលដំណាលគ្នា ឆាត្រលប់បន្តិចជាការស្រេច។
ជូនពរលោកអ្នកទទួលទានអាហារបានឆ្ងាញ់ពិសារ!!!!!!!
No comments:
Post a Comment