ឆា បាយសាច់ក្តាម

    ឆា,​ ចៀន, អាំង, បំពង 

​​​   គ្រឿងផ្សំ៖

១​-ខ្ទឹម 

២-ខ្លាញ់ជ្រូក 

៣-សាច់ជ្រូក 

៤-សាច់ក្តាម 

៥-ស្លឹកវ៉ាន់ស៊ុយ 

៦-ម្រេច ទឹកត្រី ទឹកខ្មេះ សាច់ក្រក 

៧-បាយ 

៨-ប៉េងប៉ោះកំប៉ុង។

    វិធីធ្វើ៖

១-យកសាច់ជ្រូក និងខ្លាញ់ជ្រូកហាន់ជាចំណិតតូចៗ ក្តាមស្ងោរឱ្យឆ្អិនបេះយកតែសាច់

 ខ្ទឹមសបកសំបក ឱ្យអស់ចិញ្ច្រាំឱ្យល្អិត យកខ្ទះដាក់ដាំ។

២-យកខ្លាញ់ដែលហាន់នោះជំហៀវទាល់តែចេញខ្លាញ់ ទើប យកខ្ទឹមដែលចិញ្ច្រាំទុកនោះដាក់ចៀនទាល់តែឈ្ងុយ។ 

៣-សាច់ក្រកហាន់ជាចំណិតតូចៗ ហើយយក សាច់ជូក សាច់ក្តាម សាច់ក្រក ដាក់ឆាជាមួយគ្នាឱ្យសព្វ ចាក់ទឹកត្រីបន្តិច និងច្រូចទឹកខ្មេះបន្តិចបន្តួច មើលបើគ្រឿងទាំងនោះឆ្អិនល្អហើយ 

៤-យកបាយចាក់ទៅក្នុងសាច់នោះ កូរឱ្យសព្វដើម្បីឱ្យសាច់ និង បាយនោះចូលគ្នា 

៥-ភ្លក្សមើលសាបប្រៃល្មមហើយ ដួសដាក់ចាន រោយស្លឹកវ៉ាន់ស៊ុយ និងរោយម្រេច ជាក្រោយ ។

ជូនពរលោកអ្នកទទួលទានអាហារបានឆ្ងាញ់ពិសារ!!!!!!!